By Spean Bridge an’ the Great Glen route
Tae Fort Augustus, whaur on foot
The monastery we viewed, then oot
In poorin’ rain.
Lunch in the car that day we took
Then off again.
Dornie’s oor scheduled port o’ ca’
An’, though the wipers whirred awa’
Glen Moriston wis “awful” braw
Wi’ it’s carpet o’ heather.
‘T was a grand run. Naebody grumbled awa’
In spite o’ the weather
Glen Shiel, Loch Duich then tae Dornie we came
An’ Dornie Hotel wis oor hame frae hame
We ordered high tea an’ ye couldnae blame
Us for clearin’ the lot
Then we walked an’ talked to till darkness came
An tae bed we got.
Next day tae the castle we toddled along,
Eilean Donan by name an’ wi’ wa’s gey strong
That visit complete (it didna tak long)
We reached Kyle bye an’ bye
Then doon tae the ferry an’ quotin’ the song,
‘Over the sea to Skye’.
The misty isle they call it – My!
All that we saw made that a lie.
The Cuillins, etched against a sky
O’ cloudless blue.
An’ beauty that impressed the eye,
View upon view.
We ambled on an’ reached Portree,
Got settled there for B an’ B,
Then, washed and fed, walked down tae see
The boats in the harbour.
We hope the midges in years tae be,
Will ha’e curbed their ardour.